حەوکەمەی دامەزراوەکە

دکتۆر زیاد خەلەف، سەرۆکی ئەنجومەنی بەڕێوەبردنی بانکی گەشەپێدانی نێودەوڵەتییە (IDB) و یەکێکە لە دامەزرێنەرە سەرەکییەکانی بانکەکە.

لە ماوەی کەمتر لە دە ساڵدا لە کاتی دامەزراندنییەوە، توانیویەتی بانکی گەشەپێدانی نێودەوڵەتی لە بانکێکی نوێوە بگۆڕێت بۆ یەکێک لە پێشەنگترین بانکەکان لە عێراق و ناوچەکەدا.

لە کاتی وەرگرتنی سەرۆکایەتی بانکەکە لە ساڵی ٢٠١٥دا، ئەم قۆناغە بە "قۆناغی زێڕین" ناسرا، کە تێیدا تەکنەلۆژیای پێشکەوتووی بانکی پێشکەش کرد،  و هاوبەشیی ستراتیژیی درێژخایەنی لەگەڵ کۆمپانیا جیهانییە گەورەکان لە بوارەکانی پارەدانی ئەلیکترۆنیدا دامەزراند، وەک کۆمپانیاکانی "ڤیزا" و "ماستەرکارد" .

دیارترین دەستکەوتەکانی لە ڕێبەرایەتیکردنی بانکی گەشەپێدانی نێودەوڵەتیدا لە ڕێگەی بەدەستهێنانی سەرکەوتنی گەورە بەدیاردەکەوێت کە پشتیان بە ستراتیژیی داهێنەرانە بەستووە، وەک گەشەپێدانی بەرهەمە بانکییەکان وبەستنی هاوبەشیی ستراتیژی وە ئەم سەرکەوتنانە تەنها لە بازاڕی عێراقدا قەتیس نەبوون، بەڵکو درێژبوونەوە بۆ بازاڕە هەرێمی و جیهانییەکان.

لەژێر ڕێبەرایەتی دانایانەی ئەودا، بانکی گەشەپێدانی نێودەوڵەتی گۆڕانکارییەکی ناوازەی بەخۆوە بینی، بەجۆرێک ژێرخانی دارایی باشتر کرد و پشتگیری لە داهێنانەکان کرد بۆ فراوانکردنی مەودای کارەکانی لەسەر ئاستی نێودەوڵەتی، کە ئەنجامەکەی بە کردنەوەی یەکەم لقی بانکەکە لە دەوڵەتی ئیماراتی عەرەبی یەکگرتوودا تاجی پێبەخشرا، بۆ ئەوەی ببێتە یەکەم بانکی کەرتی تایبەتی عێراقی کە لە دەوڵەتی ئیماراتدا ئامادەیی هەبێت.

هەروەها دکتۆر زیاد خەلەف (ZK Holding ) ی،  دامەزراند و سەرکەوتوو بوو لە گۆڕینی ئەم کۆمپانیا خێزانییە بۆ چیرۆکێکی سەرکەوتنی جیهانی، کە پایتەختی ئیمارات (ئەبو زەبی) کردووە بە بارەگای سەرەکی خۆی، ئەم کۆمەڵەیە لەژێر چەتری سەرەکیی خۆیدا چەندین کۆمپانیای خوشک لەخۆدەگرێت کە تەمەنی ڕەگ و داکوتان و شارەزاییان بۆ چەندین دەیەی ڕابردوو درێژ دەبێتەوە.

دکتۆر زیاد خەلەف ئەم پۆست و ئەندامێتییە نێودەوڵەتییانە دەگێڕێت:

• جێگری سەرۆکی یەکێتیی بانکەکانی عەرەبی.
• ئەندامی ئەنجومەنی بەڕێوەبردنی یەکێتیی نێودەوڵەتیی بانکدارانی عەرەب.
• ئەندامی ئەنجومەنی ئابووری و کۆمەڵایەتیی ڕێکخراوی نەتەوە یەکگرتووەکان لە جنیڤ.
• ئەندامی ئەنجومەنی بەڕێوەبردنی ژووری بازرگانیی نێودەوڵەتی لە دەوڵەتی ئیماراتی عەرەبی یەکگرتوو (ICC).
• ئەندامی ئەنجومەنی ئەمیندارانی ئەکادیمیای عەرەبی بۆ زانستە کارگێڕی و دارایی و بانکییەکان.

ئەو هەڵگری ئەم بڕوانامانەیە:

• بڕوانامەی بەکالۆریۆس لە ئەندازیاریی شارستانی لە زانکۆی تەکنەلۆجی لە بەغدا.
• بڕوانامەی دکتۆرای فەخری لە زانستە داراییەکان لە زانکۆی نێودەوڵەتی لە لەندەن.

سائد تاریق زڕێقات / بەڕێوەبەری ڕێپێدراو

بەڕێز سائد تاریق یوسف زڕێقات،  خاوەنی نزیکەی سێ دەیە ئەزموونی بەرفراوانی بانکی و سەرکردایەتییە لە کەرتی دارایی و بانکیدا، کە بوارەکانی دامەزراوە داراییەکان، بانکە هاوبەشەکان ، و پرۆسە بانکییە نێودەوڵەتییەکان، خەزێنە، دابینکردنی دارایی بازرگانی و خزمەتگوزارییە بانکییەکانی کۆمپانیاکان دەگرێتەوە.

لە ماوەی کاروانی پیشەیی خۆیدا، چەندین پۆستی باڵای جێبەجێکردن و سەرکردایەتی لە دامەزراوە بانکییە پێشەنگەکاندا بەڕێوەبردووە و ئەزموونێکی دەوڵەمەندی لە بەڕێوەبردنی پەیوەندییە بانکییە نێودەوڵەتییەکان، پەرەپێدانی تۆڕی بانکە هاوبەشەکان ، گەشەپێدانی کار و جێبەجێکردنی پێوەرەکانی حوکمڕانی و بەڕێوەبردنی مەترسییەکاندا بەدەستهێناوە.

پێش پەیوەندیکردنی بە بانکی نێودەوڵەتی بۆ گەشەپێدان (IDB)، چەندین پۆستی باڵای جێبەجێکردنی هەبووە، لەوانە سەرۆکی گرووپی دامەزراوە داراییەکان،هەروەها کاروانی پیشەییەکەی ئەندامێتی لە چەندین دەستەی کارگێڕی و بەشداریکردن لە کۆڕبەندە بانکی و داراییە نێودەوڵەتییەکاندا لەخۆدەگرێت.

ناوبراو خاوەنی بڕوانامەی ماستەرە لە کارگێڕی کار لە بانکداری و دارایی نێودەوڵەتی ، بە پلەی نایاب (Merit) لە زانکۆی بێرمێنگھام لە شانشینی یەکگرتوو (بەریتانیا)

 هەروەها، خاوەنی بڕوانامەی بەکالۆریۆسە لە ژمێریاری، لەگەڵ پسپۆڕیی لاوەکی لە کارگێڕی کاردا، لە زانکۆی ئوردن.

سەعد فایەق خاوەنی پتر لە ٤٥ ساڵ ئەزموونی بەرفراوانە لە کەرتی بانکیی عێراقدا،بەتایبەت لە  بوارەکانی تەکنەلۆجیای زانیاری، سیستمە بانکییەکان و خزمەتگوزارییەکانی پارەدانی ئەلیکترۆنی.

ناوبراو چەندین پۆستی باڵای سەرکردایەتی لە دامەزراوە دارایی و بانکییە بەناوبانگەکاندا بەڕێوەبردووە، لەوانە:

بەڕێوەبەری جێبەجێکاری تەکنەلۆجیای زانیاری لە بانکی ڕافیدەین، بەڕێوەبەری جێبەجێکاری بەڕێوەبردنی سیستمەکانی دڵنیایی (تەئمین) لە کۆمپانیای دڵنیایی عێراقی، و بەڕێوەبەری جێبەجێکاری سیستمە بانکییەکان و کارتەکانی قەرز (کریدیت کارت) لە هەر یەک لە بانکی شەرقولئەوسەتی عێراقی و بانکی گەشەپێدانی نێودەوڵەتی (IDB).

هەروەها، پۆستی بەڕێوەبەری ڕێپێدراوی کۆمپانیای (العرب) بۆ پارەدانی ئەلیکترۆنی وەرگرتووە، و بەشدارییەکی کاریگەری هەبووە لە پەرەپێدانی ژێرخانی تەکنەلۆجیای بانکیی دیجیتاڵی و خزمەتگوزارییەکانی پارەدانی ئەلیکترۆنی لە ناوخۆی عێراقدا.

لە کۆتایی ساڵی ٢٠١٩ەوە تا ئێستا، پۆستی بەڕێوەبەری ڕێپێدراوی بانکی گەشەپێدانی نێودەوڵەتی (IDB) بەڕێوەدەبات، و وەک یەکێک لە پێشەنگەکانی بواری گۆڕانکاریی دیجیتاڵی و بەرزکردنەوەی کاراییی دەزگای بانکی لە بازاڕی عێراقدا دادەنرێت.

ئەندازیار مەنار عوبەیدی یەکێکە لە لێهاتووییە پێشەنگەکانی عێراق لە بوارەکانی کارگێڕی، دارایی و ئابووریی پیشەسازیدا. ناوبراو خاوەنی ئەزموونێکی بەرفراوانی زیاتر لە بیست ساڵە لە پۆستە باڵاکانی سەرکردایەتیدا، لەگەڵ تۆمارێکی پڕ لە دەستکەوت لە کەرتەکانی دارایی، پڕۆژە بچووک و مامناوەندەکان و گەشەپێدانی کارە پیشەسازی و بازرگانییەکاندا.

عوبەیدی چەندین پۆستی سەرکردایەتیی دیاری لە ناوخۆی عێراقدا بەڕێوەبردووە و سەرکەوتنی بەرچاوی لە پشتگیریکردن و گەشەپێدانی کەرتی پڕۆژە بچووک و مامناوەندەکاندا بەدەستهێناوە، هاوکات ڕاوێژی ستراتیژیی پێشکەش بە دەستە و دامەزراوە حکومییەکان کردووە و کاریکردووە بۆ هاندانی گۆڕانکاریی دیجیتاڵی و ئاسانکاریی گەیشتنی دارایی بەو پڕۆژانەی کە کاریگەریی ئابوورییان هەیە.

هەروەها، خاوەنی تۆمارێکی گەشاوەیە لە سەرکەوتنەکان، کە واژۆکردنی ڕێککەوتننامە نێودەوڵەتییەکان لەگەڵ دامەزراوە داراییە بەناوبانگەکان دەگرێتەوە،  وەک دامەزراوەی دارایی نێودەوڵەتی (IFC)، هاوشان لەگەڵ سەرکردایەتیکردنی دەستپێشخەرییەکانی گۆڕانکاریی دیجیتاڵی و پەرەپێدانی پلاتفۆرمە ئەلیکترۆنییە داهێنەرەکان، کە ئاسانکاری دەکەن بۆ گەیشتنی دارایی بەو پڕۆژانەی کاریگەریی ئابوورییان لە عێراقدا هەیە.

ناوبراو لە ئێستادا وەک بەڕێوەبەری جێبەجێکاری کۆمپانیای (اڵاولی) بۆ دابینکردنی دارایی پڕۆژە بچووک و مامناوەندەکان، و سەرۆکی جێبەجێکاری دامەزراوەی داهاتووی عێراق (عراق المستقبل) بۆ توێژینەوە و ڕاوێژی ئابووری کاردەکات.

عوبەیدی ناسراوە بە توانای نایابی لە شیکردنەوەی واقیعی ئابووری، داڕشتنی ستراتیژیی گەشەپێدان و دارایی داهێنەرانە و بنیاتنانی سیستمی کارپێکردنی گشتگیر کە کارایی و کاریگەری بەرز دەکەنەوە، ئەمەش وای لێدەکات ببێتە کەسایەتییەکی میحوەری لە پشتگیریکردنی بنیاتنانی داهاتوویەکی ئابووریی بەردەوام بۆ عێراق.

کلۆد خەیات شارەزایەکی بانکی و داراییە کە خاوەنی ئەزموونێکی بەرفراوانی پتر لە چوار دەیە لە بوارەکانی خزمەتگوزارییە بانکییە وەبەرهێنەرەکان، دابینکردنی دارایی کۆمپانیاکان، و بەڕێوەبردنی مەترسییەکان  لە سەرانسەری ڕۆژهەڵاتی ناوەڕاست، ئەوروپا و ئەمریکای باکووردا.

لە ماوەی کاروانی پیشەیی خۆیدا، چەندین پۆستی سەرکردایەتی لە دامەزراوە داراییەکان و کۆمپانیا ڕاوێژکارییە پێشەنگەکاندا بەڕێوەبردووە، کە تێیدا پشکی هەبووە لە پێکهێنانی گرێبەستە داراییە ئاڵۆزەکان، کۆکردنەوەی سەرمایە (دابینکردنی دارایی)، و جێبەجێکردنی پرۆسەکانی یەکگرتن و کڕینەوە .

هەروەها بەشداری لە چەندین پرۆژەی گەورەی هەرێمی و نێودەوڵەتیدا کردووە، لەوانەش دەستپێشخەرییەکانی دابینکردنی دارایی بەرفراوان و وەبەرهێنانی ستراتیژی لە کەرتە جۆراوجۆرەکانی وەک پەیوەندییەکان، پێترۆکیمیاوی و خزمەتگوزارییە داراییەکاندا.

هاوکات ڕۆڵی هەبووە لە پەرەپێدان و بەهێزکردنی چوارچێوەکانی بەڕێوەبردنی مەترسی لە ناو دامەزراوە بانکییەکاندا، بە شێوەیەک کە پابەندبوون بە پێوەرە نێودەوڵەتییەکان مسۆگەر بکات و پاڵپشتی لە بنەماکانی حوکمڕانی (حوکمڕانیی باش) و سەقامگیریی دارایی بکات.

ناوبراو لە ئێستادا وەک ئەندامی دەستەی کارگێڕی لە بانکی BEMO کاردەکات، هاوکات لەگەڵ کارەکەی وەک بەڕێوەبەری گشتیی کۆمپانیایەکی ڕاوێژکاری تایبەت، کە تێیدا خزمەتگوزارییەکانی ڕاوێژی دارایی و وەبەرهێنانی ستراتیژی پێشکەش بە چەندین لایەن لە ناوچەکەدا دەکات ولە پاڵ کاروانی پیشەیی خۆیدا، بەشداری لە بواری ئەکادیمیشدا کردووە لە ڕێگەی وانەگوتنەوەی بابەتە بانکییەکان، ئەندازیاریی دارایی و بەڕێوەبردنی مەترسییەکان لە چەندین زانکۆی بەناوبانگدا.

خاوەنی بڕوانامەی ماستەرە لە کارگێڕی کار (MBA)، بە پسپۆڕیی بازرگانیی نێودەوڵەتی و دارایی، جگە لە بڕوانامەکانی لە بواری ئەندازیاری و کارگێڕی کاردا لە زانکۆی مۆنتریال، وە بە تەواوی شارەزای زمانەکانی عەرەبی، ئینگلیزی و فەرەنسییە.